தொடரும் தோழர்கள்

நகைச்சுவை. லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
நகைச்சுவை. லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், ஜூலை 07, 2015

மாயா,மாயா! பாகம் இரண்டு!



அண்ணே ! அண்ணே! என்ன தூக்கமா?நான் வந்துட்டேண்ணே..

அதானே என்னடா ஒரு அழுகின நாத்தம் வருதேன்னு பாத்தேன்!

போங்கண்ணே.புதுசா செண்டு போட்டிருக்கேன்! 

என்னடா திடீர்னு?

வலைப்பூவில வெளியிட போட்டோ பிடிச்சேன் அதுக்குத்தான் செண்டு!

!!!!!!!!!!!!!!!!!!!!!!!!!!!!!!!!!!!!!!!!!!!

சரி சொல்லுங்கண்ணே.

எங்கடா விட்டேன்!

பின்னூட்டம் பத்திச் சொன்னீங்க!

இன்னைக்கு ஏதாவது எழுதினயா?

ஆமாண்ணே!சாத்தூர்ல கூடைல இனிப்புச்சேவு காராச்சேவு வாங்கிச்சாப்பிட்டதை அதன் ருசியை அதனோட தனிதன்மையை எழுதியிருக்கேன்.

தேறிட்டடா!

சரி அப்புறம் சொல்லுங்கண்ணே!

நம்ம பதிவுக்கு நிறையப்பேரை வரவைக்க ஒரு முக்கியமான விசயம் இருக்கு!

புதன், பிப்ரவரி 01, 2012

இரண்டு பெண்கள் பேசிக் கொள்கிறார்கள்!

நீலா,மாலா என்ற இரண்டு பெண்கள் இறந்த பின்  மேலுலகத்தில் சந்தித்தனர்.

நீலா(மாலாவிடம்) நீ எப்படி இறந்தாய்?

மாலா:நான் மூச்சுத் திணறி இறந்தேன்.

நீலா:அடப்பாவமே!

மாலா.முதலில் ரொம்பக் கஷ்டப்பட்டேன் அப்புறம் நினைவிழந்து விட்டேன்.கண்விழித்துப் பார்த்தால் இங்கு இருக்கிறேன்!நீ எப்படி இறந்தாய்.?

நீலா:மாரடைப்பு வந்து இறந்தேன்.

மாலா:எப்படி?

நீலா:என் கணவர் மீது எனக்கு எப்போதுமே சந்தேகம் உண்டு ,வேறு பெண்ணுடன் தொடர்பு வைத்திருக்கிறார் என்று.ஒரு நாள் சீக்கிரமாக வீடு திரும்பி அவரைக் கையும் களவுமாகப் பிடிக்க எண்ணினேன்.ஆனால் வந்து பார்த்தால் அவர் தொலைக்காட்சியை ரசித்துக் கொண்டிருந்தார். ஆயினும் சந்தேகம் தீராமல் நான் வீடு முழுவதும் தேடினேன்.மாடியில் போய்ப் பார்த்தேன், பரணில் ஏறிப்பார்த்தேன்.கட்டிலுக்கு அடியில் குனிந்து பார்த்தேன்.எல்லா இடத்திலும் தேடினேன்.ஏற்கனவே எனக்கு ரத்தக்கொதிப்பெல்லாம் உண்டு. அவ்வாறு செய்ததில் எனக்கு மாரடைப்பு வந்து விட்டது.

பாவம் என் கணவர். அநாவசியமாக்ச் சந்தேகப்பட்டு விட்டேன்.!

மாலா:பைத்தியக்காரி.எல்லா இடத்திலும் தேடினாயே,ஹாலில் ஒரு பெட்டி மீது உன் கணவர் உட்கார்ந்திருந்திருந்தாரே,அதைத்திறந்து பார்த்திருந்தால் இருவரும் உயிரோடு இருந்திருப்போமே!!!
 -----------------------------------------------------------------------


சனி, நவம்பர் 26, 2011

கட்சி கலைக்கப் படுகிறது!தலைவர் வருத்தம்!


தனது கட்சி கலைக்கப்படுவதாக தலைவர் செ.பி. அவர்கள்  இன்று வெளியிட்ட அறிக்கையில் கூறினார்.அவரது கட்சி பற்றிய தகவல்கள் முன்பே இங்கு வெளியிடப்பட்டன. பாருங்கள்!

அறிக்கையின் விவரம்-

//இந்த ஆண்டு சனவரி மாதம் மிகுந்த எதிர்பார்ப்புடன் எனது ”அனைத்திந்திய அண்ணா,பெரியார்,காமராஜ் ,ராஜாஜி, நேரு,ஆரிய,திராவிட முன்னேற்ற முற்போக்கு மறுமலர்ச்சி மக்கள் கழகம்” தொடங்கப்பட்டது.கட்சியின் அடிப்படைக் கொள்கையாக நேருவின் சோசலிஸம், காமராஜின் ஜனநாயக சோசலிஸம் ,ராஜாஜியின் தாராள மயமாக்கல்,பெரியார்,அண்ணாவின் சுயமரியாதைக் கொள்கைகள் எல்லாம் சேர்ந்த ஒரு அற்புதக் கலவையான ”அநேகாபெராயிசம்” உருவாக்கப் பட்டது.மிக நல்ல திட்டங்களை மக்கள் முன்,குறிப்பாகப் பதிவர்கள் முன் வைத்தேன்.எதிர்கால இந்தியாவின் சுபிட்சத்துக்கான தாரக மந்திரம் அநேகாபெராயிசம் என்பதில் எனக்கு இப்போதும் ஐயமில்லை.

பதிவர் வாரியம் ஒன்று அமைத்துப் பதிவர்களுக்கு வீடு கட்டித்தருதல், இலவசக் கணினி வழங்குதல் போன்ற பல நல்ல திட்டங்களை பதிவர்கள் முன் வைத்தேன்.

பின் அனைவருக்கும் மடிக்கணினி வழங்கிடலாம் எனத்தீர்மானித்து அது பற்றிக்  கட்சியின் ஆதரவாளரான நாஞ்சில் மனோ அவர்களுடன் கலந்தாலோசித்தேன்.

ஆனால் இன்று நாடு இருக்கும் நிலையைப் பார்த்தால் என் கட்சி இந்த ஊழல் சூழலில் நிலைத்து நிற்க இயலாது எனத் தோன்றி விட்டது!விலைவாசி கட்டுக்கடங்காமல் ஏறி விட்டது .எந்தக்கட்சியும் அது பற்றி உண்மையான கவலை கொள்ளாமல் முதலைக் கண்ணீர் வடிக்கும் அவல நிலையைப் பார்க்கிறேன்.மக்கள் படும் இன்னல் என்னால் காணச் சகிக்கவில்லை.இயலாமையில் மனம் புழுங்குகிறேன்.

எனவே சில நாட்கள் இந்தத்துன்பங்களைக் காணாத தூரத்துக்குப் போய்விடத் தீர்மானித்திருக்கிறேன். ஸ்விட்சர்லாந்து சென்று சில நாட்கள் இருந்து வருவேன்.
அதற்கு முன் கட்சியைக் கலைக்கும் இந்த அறிவிப்பை வெளியிடுகிறேன்.

நீங்கள் அளித்த ஆதரவுக்கு நன்றி.

அநேகாபெராயிசம் வாழ்க! //

வெல்க தமிழகம்!

இந்த அறிக்கை வெளியிடும்போது கட்சியின் மற்ற இரண்டே உறுப்பினர்களான அவரது மகளும்,மகனும் உடன் இருந்தனர்!

புதன், அக்டோபர் 19, 2011

சிரித்து , சிந்தித்து ,வாழ வேண்டும்!

வெளி நாட்டுக்குப் பயணம் சென்று திரும்பிய மிஸ்டர் x மனைவியிடம் கேட்டார்”என்னைப் பார்த்தால் வெளிநாட்டுக்காரன் மாதிரி இருக்கிறேனா?”

மனைவி சொன்னாள்”இல்லையே!ஏன் கேட்கிறீர்கள்?”

X சொன்னார்”லண்டனில் ஒரு பெண் என்னைப்பார்த்துக் கேட்டாள்”நீ வெளிநாட்டுக் காரனா?” என்று.

அமெரிக்காவிலிருந்து வந்த ஒரு சுற்றுலாப் பயணி எக்ஸிடம் கேட்டார் ”உங்கள் ஊரில் பெரிய மனிதர்கள் யாரும் பிறந்திருக்கிறார்களா?”

எக்ஸ் சொன்னார்”இல்லை!சின்னக் குழந்தைகள்தான் பிறப்பார்கள்!”

காந்தி ஜெயந்தி பற்றிக் குறிப்பெழுதச் சொன்னதற்கு எக்ஸ் எழுதினார்”காந்தி ஒரு மகான்.ஜெயந்தி யாரென்று எனக்குத் தெரியாது!”

ஆட்டோவில் தன் மனைவியுடன் பயணித்துக் கொண்டிருந்தார் எக்ஸ்.ஓட்டுநர் பின் பார்க்கும் கண்ணாடியைச் சரி செய்வதைக்கண்ட எக்ஸ் கோபமாகச் சொன்னார்”என் மனைவியைப் பார்க்கிறாயா? நீ பின்னாலே வா .நான் வண்டி ஓட்டுகிறேன்.”

எக்ஸ் சொன்னார்”அந்தப் பெண் செவிடு என நினைக்கிறேன்.”

மற்றவர் கேட்டார்” ஏன் அப்படி நினைக்கிறாய்?”

எக்ஸ் சொன்னார்”நான் அவளைக் காதலிக்கிறேன் எனச்சொன்னேன். அவளோ சம்பந்தமில்லாமல் அவள் செருப்பு புதிது என்று சொன்னாள்!”

இண்டர்வியூவில் எக்ஸிடம் கேட்டார்கள்”உங்களுக்கு MS office தெரியுமா?”

அவர் சொன்னார்”நீங்கள் விலாசம் கொடுத்தால் நான் அங்கே போய் விடுவேன்.”

ஆசிரியர் மாணவன் எக்ஸிடம் கேட்டார் “ஏசு, கிருஷ்ணர்,காந்தி அவர்களுக்குள் ஒற்றுமை என்ன?”

எக்ஸ்;”மூவரும் அரசு விடுமுறை அன்று பிறந்தவர்கள்!”

---------------------------------------------------------------------

உங்கள் சிந்தனைக்கு-

வாழ்க்கையின் மூன்று நிலைகள்!

1.பதின்ம வயது--------நேரம் இருக்கிறது,உடல் சக்தி இருக்கிறது,ஆனால் பணமில்லை!

2.பணிக்காலம்--------சக்தி இருக்கிறது;பணம் இருக்கிறது;ஆனால் நேரமில்லை!

3.முதுமைக்காலம்----நேரம் இருக்கிறது;பணம் இருக்கிறது ;ஆனால் சக்தியில்லை!

--------------------------------------------------------------------------------


வெள்ளி, ஜூலை 15, 2011

கோகுலும்,குங்குமப்பூ போண்டாவும்!

வாப்பா,சோமு,நல்லாருக்கியா?

நல்லாத்தான் இருக்கேன்,ராமு.நான் வரும்போது நீ தாமு கிட்டப் பேசிட்டிருந்தே, அதான் ஒரு பக்கமா நின்னுட்டேன்!

வர வேண்டியதுதானே.

இல்லைப்பா.உங்க பேச்சில் நான் ஏன் குறுக்க?ஆமாம்,குங்குமப்பூவெல்லாம் ஜாங்கிரில போடுவாங்க,பாத்திருக்கேன்.போண்டால போடுவாங்களா என்ன?

போண்டால குங்குமப் பூவா?என்னப்பா சொல்றே?

ஆமாப்பா.தாமு உங்கிட்டச் சொன்னானே ’குங்குமப்பூ போண்டா ’நல்லாருக்குன்னு?

அடக் கடவுளே !அது குங்குமப்பூ போண்டா இல்லை.குங் ஃபு பாண்டா!ஒரு சினிமா !

அப்படியா! மகாபாரதம் எப்ப எடுத்தாலும் நல்லாத்தான் இருக்கும்.

மகாபாரதமா?!

ஆமா,நீதானே சொன்னே,பாண்டவான்னு!

அது பாண்டவா இல்லை ,பாண்டா;ஒரு மிருகம்.

அப்படியா.சரி,கோகுல் யாரு?

கோகுலா?யாரு?

தாமு எதுவோ தெரியல்லைன்னு சொன்னதும் நீ கோகுலைக் கேளுன்னு சொன்னயே!

கஷ்டகாலம்.அது கோகுல் இல்ல.கூகிள்.ஒரு தேடு இயந்திரம்.எதாவது தெரியணும்னா அதுல பார்த்துத் தெரிஞ்சுக்கலாம்!

பரவாயில்லையே.எனக்கு ஒரு உதவி பண்ணேன்.நேற்றிலிருந்து எங்கள் வீட்டில் ஒரு குடத்தைக் காணோம்!அதைக் கோகுலைக் கேட்டுக் கண்டு பிடித்துக் கொடேன்!

அதெல்லாம் முடியாது!

ஏன்,உங்கிட்ட அந்த எந்திரம் இல்லையா?

எந்திரம்னா அது எந்திரம் இல்லை.கம்ப்யூட்டரில் இருக்கும்.

ஓகோ!கம்ப்யூட்டரே எந்திரம் அதற்குள் இன்னோர் எந்திரமா?

ஏதாவது விஷயம் தெரிஞ்சுக்கணும்னா கூகிள் ல தேடினா பதில் கிடைக்கும்.

அதான் கேட்டேன் குடத்தைத் தேடிப்பார் என்று.இதைக்கூடக்கண்டு பிடிக்க முடியாலைன்னா என்ன எந்திரம்?

ராமு சட்டையைக் கிழித்துக் கொண்டு ஓடுகிறான்.

புதன், ஜூன் 15, 2011

ஓடிப் போன ஓட்ட வடை!!

சில நாட்களுக்கு முன் நண்பர் ஓ.வ.நாராயணன் அவர்கள் சில பதிவர்கள் வரும் வாரத்தில் போடும் பதிவுகளைப் பற்றி ஒரு அருமையான நகைச்சுவைக் காவியம்(!)
படைத்திருந்தார்.பின்னூட்டத்தில் நான் சொன்னேன், நான் எழுதப்போகும் பதிவின் தலைப்பில் அமலா பால் அல்ல ஓட்ட வடைதான் என்று .எனவே ஓட்ட வடை பற்றிய இந்தப் பதிவு.

முதலில் ஒரு கேள்வி அனைத்துப் பதிவர்களுக்கும்.ஒரு பதிவில் முதல் ஆளாகப் பின்னூட்டம் இடும்போது,’வடை எனக்குத்தான்’ என்று சொல்கிறார்களே அது என்ன வடை?ஓட்ட வடையா?!வேறா!


வடையில் பல வகையுண்டு.மெது வடை,மசால் வடை,தவலை வடை(தவளை அல்ல!),கார வடை,மிளகு வடை என்று(என்ன,சொலவடையா?அதெல்லாம் இந்த லிஸ்ட்டில் வராதுங்க!)ஆனால் எல்லா வடையிலும் ஓட்டை போடுவதில்லை!மெது வடை எனப்படும் உளுந்து வடையில்தான் ஓட்டை;அது ஏன் என்று யாருக்காவது தெரியுமா? வெந்துவிட்டதா என்று பார்ப்பதற்கா? ஆனால் ஓட்டைதான் மாவை வடையாகத் தட்டியவுடனே போட்டு விடுகிறார்களே! எனவே ஒட்டைக்கு வேறு ஏதோ காரணம் இருக்க வேண்டும்.

வெந்துவிட்டதா என்று பார்ப்பது என்று சொன்னதும்,அந்தக்காலத்தில் இட்லி சுடும் வழக்கம் நினைவுக்கு வருகிறது.

இட்லித்தட்டின் குழிகளில் துணி போட்டு மாவு ஊற்றிச் சுடுவார்கள். இட்லி வெந்து விட்டதா என்று பார்க்க ஒரு இட்லியில் குத்திப் பார்ப்பார்கள்,குழியாக!. ஓட்டல்களிலும் அப்படித்தான்.அங்கு பயன்படுத்தப் படும் துணியை என்றாவது பார்த்து விட்டீர்கள் என்றால் அதன் பின் அங்கு இட்லியே சாப்பிட மாட்டீர்கள்!

இப்போது டைம்ஸ் ஆஃப் இந்தியாவில் ஒரு போட்டி நடக்கிறது.சென்னையில் இருக்கும் சில ஓட்டல்களைக் குறிப்பிட்டு,எந்த ஓட்டலில் சுவையான இட்லி, வடை, காஃபி கிடைக்கிறது என்று தீர்மானிக்க நிபுணர்களை அங்கெல்லாம் சாப்பிடச் சொல்லிப் பார்க்கிறார்கள்.வடை என்றால்,ஓட்ட வடைதான்.இட்லி சாம்பார் என்றாலே அதனுடன் இணையக் கூடியது ஓட்ட வடையாகிய மெது வடைதான்!

இரண்டு புலவர்கள் ஒரு ஓட்டலில் வடை வாங்கினார்கள்—ஓட்ட வடைதான்(ஓட்டலுக்கு முதலாவதாகப் போனார்களோ!)

ஒருவர் வடையைப் பிய்த்துப் பார்த்தார்.வடை ஊசிப் போயிருந்தது.

உடனே சொன்னார்”ஊசியிருக்கிறது!”

மற்றவர் பார்த்தார்.ஊசிய வடையில் நூல் போல வந்தது.

உடன் அவர் சொன்னர்”நூலும் இருக்கிறது!”

இருவரும் சேர்ந்து”தையலுக்காகும்” என்று சொல்லிய படியே வடைகளை வெளியில் இருந்த பெண்ணிடம் கொடுத்து விட்டனர்!

கடைக்காரரிடம் திருப்பிக் கொடுத்திருந்தால் வடைகறிக்காவது பயன் படுத்தியிருப்பார்!


வடையில்பயன்படும் உளுத்தம் பருப்பு ,எண்ணெய் இவற்றில் செய்யப்படும் கலப்படம் பற்றி,தெருவோரத்தில் விற்கப்படும் சுகாதாரமற்ற வடைகளினால் ஏற்படும் ஆபத்து பற்றி,சில கடைகளில் அவற்றைக் கைப்பற்றி அழிக்க வேண்டியதன் அவசியம் பற்றி இங்கு எழுத எண்ணுகிறேன்!

(யோவ்!அது வேறு ஒருவர் பேட்டை;காலை வைக்காதே!)

அப்படியானால் வடையில் ஓட்ட போடுவது எப்படி?கல்யாணமாகாத இளைஞர்கள் பின் மாலைக் கடிக்கு எப்படி ஓட்ட வடை சுடலாம் என்பது பற்றி ’பெண்களுக்காக’ வில் வந்த கட்டுரையிலிருந்து சில பகுதிகள்,நன்றியுடன் வெளியிடுகிறேனே!

(அடங்க மாட்டியே;அதுவும் மற்றவர் செயற்பாட்டுப் பகுதி;மூக்கை நுழைக்காதே!)

என்னவோ போங்க! அப்ப நான் என் பதிவை முடித்துக் கொள்கிறேன்!

(அதெல்லாம் சரி ஓடிப்போன ஓட்ட வடை என்ற தலைப்பு ஏன்?)

மாலையில் தெருவோரக் கடையில் இரண்டு ஓட்ட வடை வாங்கி வந்தேன். வடை சாப்பிட்டுக் கொண்டே கணினியில் தட்டிக் கொண்டிருந்தேன்.அப்போது ஒரு ஓட்ட வடை கீழே விழுந்து உருண்டு ஓடிப் பீரோ அடியில் சென்று விட்டது.அழுக்காகிப்போன ஓட்டவடையை எப்படிச் சாப்பிடுவது?!

”ஓடிப்போன ஓட்ட வடை!”