ஒரு கிடாயின் கருணை மனு..-1

முதலிரவு

ஏகப்பட்ட எதிர்பார்ப்புகளுடன் கணவன்.

ஆனால்,மனைவியோ வந்து படுத்துவுடன் தூங்கி விடுகிறாள்.

பெருத்த ஏமாற்றம் கணவனுக்கு.

மறுநாள்..


கணவன் வருகிறான்.

மனைவி ஒருக்களித்துப் படுத்துத் தூங்கிக்கொண்டிருக்கிறாள்.

கணவன் ஒரு  பெருமூச்சுடன் தூங்கி விடுகிறான்.

அவன் மனதில் பல எண்ணங்கள்.

அவளுக்கு என்னை பிடிக்கவில்லையோ?

தாம்பத்திய உறவில் நாட்டமில்லையோ?

நம் இல் வாழ்க்கை வீணானதோ?

விரிசலுக்கான வித்து!

புரிதல் இல்லாததால் ஏற்பட்ட குழப்பம்!

இதைப் பேசித் தீர்த்துக் கொள்ளவில்லையெனில் வாழ்க்கையே நரகம்தான்.

இப்போது படத்துக்கு வருவோம்.

புது மனைவி பரிசுப் பொட்டலங்களைப் பிரித்துக் கொண்டிருக்கிறாள்.

நண்பி கொடுத்த பரிசு ராதா-கிருஷ்ணன் படம்.

கணவன் பார்த்துவிட்டு ஜோடிப் பொருத்தம் நல்லாருக்கு என்கிறான்.

நண்பி,அவள் குழந்தை என்று பேச்சு நடக்கிறது.

கணவன் கேட்கிறான்"உனக்குக் கொளந்தன்னா பிடிக்குமா?"

மனைவி"யாருக்குதான் பிடிக்காது?"

கணவன்,ஆர்வத்துடன்"நாம கொளந்த பெத்துக்கலாமா?"

மனைவி அவனை நிமிர்ந்து பார்த்துவிட்டுத் தலை குனிந்து நாணத்துடன் தலையசைக்கிறாள்.

அவன் அவசரமாக அவள் அருகில் வந்து அமர்ந்து கேட்கிறான் "பின்ன ஏன் மொத ராத்திரி தூங்கிட்ட?"

அவள்"எனக்குத் தலையை வலிச்சுது,தூங்கிட்டேன்"

நேத்து? என்று அவன் கேட்க அவள் சொல்கிறாள்"நான் முழிச்சிட்டுதான் இருந்தேன்.நீங்கதான் வந்தவுடனே தூங்கிட்டீங்க.டயர்டா இருக்கீங்கன்னு பேசாம இருந்துட்டேன்"

அவன் முகத்தில் பெரிய நிம்மதி "இவ்வளவுதானா " என்கிறான்

சிறப்பான காட்சி.

நமக்கெல்லாம் ஒரு பழக்கம் உண்டு.

கூட்டமாகச்  செல்பவர்களில் ஒருவர் சிறுநீர் கழிக்கப்போனால்,எல்லோரும் போய் வருவார்கள்.

படத்தில் லாரியில் ஏறியதும் ஒரு கிழவி சிறுநீர்கழிக்கச் செல்ல, அனைவரும் லாரியிலிருந்து இறங்கி அதே காரணத்துக்காகச் செல்கின்றனர்.வண்டியில் எஞ்சியிருப்பது,ஆடு மட்டுமே.அதுவும் நிமிர்ந்து பார்த்து விட்டுச்  சொட சொட எனச்.........!

ஒரு மெலிதான நகைச்சுவை.அத்துடன் நாம் எல்லாருமே ஆட்டு மந்தைகள்தான் என ஆடு பரிகசிப்பது போல் தோன்றியது.

டிஸ்கி: படம் கொஞ்சம்தான் பார்த்தேன்.பார்க்கப் பார்க்கப் பார்த்ததை பகிர்ந்து கொள்கிறேன்!