பெண்ணின் பின்புறத்துக்கு க் காப்பீட்டுத்தொகை 4 மில்லியன் ஸ்டெர்லிங்

நமக்கெல்லாம் ஆயுள் காப்பீடு தெரியும்.பல பிரபலங்கள்,தங்கள் அழகுக்கு முக்கியம் எனக்கருதும் உடல் உறுப்புகளைக் காப்பீடு செய்து கொள்வார்கள் ,தெரியும்.ஆனால் ஒரு பெண் தனது பின் புறத்தை-முதுகு அல்ல,உட்காரும் இடம்-நான்கு மில்லியன் ஸ்டெர்லிங்குக்குக் காப்பீடு செய்து கொண்டிருக்கிறார் என்கிறது பத்திரிகைச் செய்தி!அது அவள் அழகுக்குக் காரணமானது என்பதால் அல்ல!அவளுக்கு  வருவாய் ஈட்டித்தருகிறது என்பதால்!

பிரிட்டனில் இருக்கும் ஒரு ஓட்டல் சங்கிலியின் பல ஓட்டல்களில் மொத்தம் 46000 படுக்கைகள்,தங்குபவர்களுக்கான அறைகளில் போடப்பட்டுள்ளன. அவற்றின் மிருதுத்தன்மையைச் சோதிப்பதே அவரது வேலை.அதில் உட்கார்ந்து,படுத்துக்  குதித்துபார்த்துச் சோதித்து அதன் தரத்தை அவர் உறுதி செய்ய வேண்டும்.படுக்கையில் ஒரு சிறு உறுத்தல்,முடிச்சு  இருந்தாலும் அவர் கண்டு பிடித்து விடுகிறார். இப்பதவிக்குக் கொடுக்கப்பட்ட பெயர் ’படுக்கையில் குதிக்கும் இயக்குநர்’!!ஒரு நாளைக்கு 24 படுக்கைகளை அவர் சோதித்துப் பார்க்கிறார்.

இந்த வேலைக்கு அந்த உறுப்பு மிக முக்கியம் என்பதால் அதை மிகக் கவனமாகப் பேணி வருகிறார். எஎனவேதான் காப்பீடு!

எஸ்.வி.சேகர் நாடக ஜோக்

” டாக்டர்,உட்காரும் இடத்தில் கட்டி.

 

கொஞ்சம் தள்ளி உக்காரேன்யா!”

க்ரேஸி மோகன் நாடகத்தில்

“நீங்க பாட்டுக்கு உக்காரர  இடத்தில கிழிஞ்சிருக்கு தச்சு வைன்னு சொல்லிட்டுப் போயிட்டேள்.பாத்தேன்.நீங்க சோஃபாவில உக்காருவேள். அதைத்தச்சு வச்சேன். ஸ்கூட்டர் சீட்ல உக்காருவேள்.அதைத்தச்சு வச்சேன்.இன்னும் ஏதாவது தைக்கணுமா?”