இரு கவுஜகள்!--உன் மீது கொண்ட மயக்கம்;நீயில்லாத வீதி!

உன் மீது கொண்ட மயக்கம் 

---------------------------------------

உன்னை  நினைக்குங் கணந்தொறும்

உள்ளம் இனிக்கிறதே-உன்

வண்ணம் என்னை மயக்க

எண்ணமெல்லால் உன் மணம் நிறைக்க

என்ன செய்வேன் நான்? தடுக்கிறதே

இந்தக் கட்டுப்பாடுகள்?

கவலைகள் ஏதுமின்றி

தடுப்பவர் யாருமின்றி

என்றுன்னை ருசிப்பேன்

என் இனிய மைசூர்பாகே!

 ---------------------------------------------------

நீ இல்லாத வீதி!(இது ஒரு மீ.ப)

--------------------------


நீ இல்லாத வீதி


வெறிச்சோடிக் கிடக்கிறது!


நேற்றிருந்த நிலைமையே வேறு;


நீ கருப்புதான்!


ஆனால் அதுவும் ஒரு அழகுதான்.


உரத்த குரல்தான் உனக்கு


ஆனால் அதுவும் ஒரு இனிமைதான்!


பயம்தான் பலருக்கு உன்னிடம்!


ஆனாலும் என்னிடம் உனக்கு


அன்பு அதிகம்தான்!


சிறுவர்கள் சீண்டினால் சீறுவாய்


பைக் இளைஞர்களை நீ சாடுவாய்!


கலகலப்பாய் இருந்த வீதி


இன்று களையிழந்து நிற்கிறது!


நீ இல்லாத வீதி வெறிச்சோடிக் கிடக்கிறது!


கார்ப்பரேஷன் நாய் வண்டி


நேற்றுன்னைப் பிடித்ததனால்!
----------------------------------------