நையப்புடை!

நையப்புடை

இது பாரதி தன் புதிய ஆத்திசூடியில் சொல்லியிருப்பது.

நையப்புடை என்றால் நன்றாக அடி என்று பொருள்படும்.

இது அவன் ரௌத்திரம் பழகு என்று சொன்னதோடு இயைந்துள்ளது.

மேலும் பாப்பாவுக்கு மோதி மிதித்து விடு என்றும் சொல்கிறான்.எனவே இது பாதகர்களை நையப்புடை என்றே கொள்ளப்படுகிறது.

இந்தத் தலைப்பில் எழுத வேண்டுமென்று எண்ணம் வந்ததும்(காரணம் உங்களுக்கே தெரியும்!)  ஒரு  கருத்து தோன்றியது

புடைத்தல் என்றால் வேறு பொருளும் உண்டல்லவா?அரிசி புடைத்தல் என்கிறோம்; அதாவது அரிசியிலிருக்கும் உமி,தூசி முதலியவற்றை நீக்குதல்.

அதை இங்கு பொருத்திப் பார்த்தால்,எல்லாவற்றையும் நன்கு புடைத்து (அலசி ஆராய்ந்து) நல்லவற்றை எடுத்துக் கொண்டு அல்லவற்றை நீக்குதல் என்றும் கொள்ளலாம் அல்லவா?

இது எப்படி இருக்கு?!

முறத்தால்தானியங்களைப் புடைப்பது மட்டுமன்றி புலியையும் கூடப் புடைக்க முடியும்!

பண்டைத் தமிழ்ப்பெண் முறத்தால் புலியை அடித்துத் துரத்தினாளாம்

நண்பர் பார்த்தசாரதி இந்தப் படங்களை வாட்ஸப்பில் அனுப்பினார்

ஒன்றில் முறம் ;மற்றதில் சுளகு

இரண்டுக்கும் பயன்பாட்டில் ஏதாவது வேறுபாடு உண்டா?

.

டிஸ்கி .இந்த ஆளுக்கு இதே வேலையாப் போச்சு ,சினிமாத் தலைப்பில் எழுதி ஏமாற்றுவது;நாங்கள் ஏமாறவில்லை என்று சொல்பவர்களுக்கு, எனக்குத் தெரியும் நீங்கள் ஏமாற மாட்டீர்கள் என்று!