வெவகாரம் வேலுச்சாமியும்,சிபியும்!

நாந்தானுங்க,வெவகாரம் வேலுச்சாமி பேசுறேன்!

எனக்கு ஒரு விசயம் காமெடியா இருக்குங்க.

நேத்து என் அய்யனோட  நாயம் பேசிட்டு இருந்தங்க.

அப்போ வள்ளல்கள் பத்தியெல்லாம் பேச்சு வந்துச்சுங்க.

ரொம்ப இரக்க சுபாவம் உள்ள மனுசங்க பத்திப் பேசினோமுங்க.

அப்பத்தாங்க எனக்கு இது தோணிச்சு.

உங்க எல்லாருக்கும் சிபி தெரியுமில்லீங்க?

ஏனுங்க முளிக்கிறீங்க?

ஓ!வெறுமனே சிபின்னு சொன்னாத் தெரியலீங்களாக்கு!

அதாங்க,சக்கரவர்த்தி!

நான் சொல்றது நாட்டுக்குச் சக்கர வர்த்திங்கோ.

தமிழ்ப் பதிவுலகத்துக்கு இல்லீங்கோ!

அவரு வேற!இவரு வேற!

கழுகு புறாவைத் தொரத்திட்டு வந்துச்சாமா!இவரு புறாவைக் காப்பாத்த அதனோடு எடைக்கு ஈடா தன் தொடைச் சதையை அறுத்துக் கொடுத்தாராமா!

கேனத்தனமா இல்லீங்க?

கையைத்தட்டினா சேவகன் வருவான்.அரண்மனையில் இல்லாத கறியா? ஆடு,மாடு,கோழி இப்படி ஏதாவது நூறு மடங்கு எடைக்குக் கூடக் குடுத்திருக் கலாமில்ல!அத்தை விட்டுப் போட்டு தொடைக்கறி குடுத்தாராமா!

இப்படித்தாங்க பாரி.பெரிய வள்ளலுங்க!

காட்டில தேரில வரும்போது பிடிப்பில்லாம் வாடற கொடியப் பத்தாராமா! உடனே தேரில அதைப் படர விட்டுப் போட்டு நடந்தே அரண்மனை திரும்பினாராமா!

ஏனுங்க!இதை என்னன்னு சொல்ல?

கூடவே வந்த சேவகங்க கிட்டச் சொல்லி பக்கத்தில இருக்கற நாலு குச்சியை எடுத்து சப்போர்ட் குடுக்கச் சொல்லிப் போட்டு அப்புறமா வந்து பக்காவா பந்தல் போட ச் சொல்லிருக்காமில்ல?

இப்படித்தாங்க ஒரு பதிவரு. ஒரு பொன் மாலைப் பொழுதில்,ரோட்டில குடிகாரன் விழுந்து கிடந்தானாமா!இவரு எரக்கப்பட்டு ஓரமாத் தூக்கிப் போட்டுட்டுப்போனாராமா! ஏனுங்க,இந்த வேண்டாத வேலை!அவன் முழிச்சிக்கிட்டு என் செயினை காணும்,பர்ஸைக் காணும்னு சொல்லி இவரைகண்டு பிடுச்சுக் கேட்டா பிரச்சினைதானே? மத்தவங்கல்லாம் பேசாம போகலே?அது மாதிரி போக வேண்டியதுதானே?

 என்னவோ சொல்லணும்னு தோணிச்சுங்க.சொல்லிட்டேன்.

அப்பப்ப வருவேன்!

டிஸ்கி:கருத்துகள் வெவகாரம் வேலுச்சாமி யுடையவை!அவற்றுக்கும்,வலைப்பூ உரிமையாளருக்கும்  எந்த  சம்பந்தமுமில்லை!