என் விகடனில் என் வலைப்பூ!

இன்று காலை 7.30 மணி அளவில் ”மெட்ராஸ் பவன்” சிவகுமாரிடமிருந்து கைபேசி அழைப்பு,மற்றும் குறுஞ்செய்தி.குறுஞ்செய்தியைப் பார்க்காமலே. சிவகுமாரைக் கைபேசியில் தொடர்பு கொண்டேன்.

“வாழ்த்துகள் சார்.இன்றைய ’என்விகடனி’ல் உங்கள் வலைப்பூ அறிமுகம். பாருங்கள். விவரங்களை உங்களுக்கு மின்னஞ்சலில் அனுப்பியுள்ளேன்.”- சிவா.

”நன்றி சிவா”.சொல்லி விட்டுக் குறுஞ்செய்தியைப் பார்த்தேன்.அதன் பின் மின்னஞ்சலைப் பார்த்தேன்.’என்விகடனி’லிருந்து குறிப்பிட்ட பக்கங்களை ஸ்கேன் செய்து எனக்கு அனுப்பியிருந்தார் சிவா.அந்தக் காலை வேளையில், படித்தவுடன் எனக்குத் தகவலைச் சொன்னதோடு,அந்தப்பக்கங்களை ஸ்கேன் செய்து  அனுப்பிய அந்த அன்பு உள்ளத்துக்கு நன்றி.

தமிழ்ப் பதிவுகள் பற்றிப் பெரும்பாலான மக்கள் அறியாத சூழ்நிலையில் ,அவற்றை மக்கள் கவனத்துக்குக் கொண்டு செல்லும் நல்ல பணியை விகடன் செய்து வருகிறது.தமிழ்ப் பதிவிவுலகில் எத்தனையோ ஜாம்பவான்கள் இருக்கிறார்கள். அந்நிலையில்,,என் வலைப்பூவையும்  தேர்ந்தெடுத்து  மக்களுக்கு அறிமுகம் செய்தமைக்கு விகடனுக்கு நன்றி.

என்னை ஊக்குவித்து மேலும் மேலும் எழுதத்தூண்டிய  அனைத்து வலையுலக உறவுகளுக்கும் நன்றி.

டிஸ்கி:சிவா ஒரு ஐந்து நட்சத்திர ஓட்டலில் பார்ட்டி கொடுக்க வேண்டும் என்று சொன்னார்.

நான் சொன்னேன் அன்று மெரினாவில் ஒரு ஒட்டலில் சந்தித்தோமே அங்கேயே  ஐந்து நட்சத்திரப் பதிவர்களுடன் செல்வோம்;அந்த ஓட்டல் ஐந்து நட்சத்திர ஓட்டலாகி விடும் என்றேன்!சரிதானே! இருக்கவே இருக்கிறது குட்டி சமோசாவும் தேநீரும்!