இன்றைய முதல் முட்டாள் நானா?!

இன்று காலை மணி 8.30 இருக்கலாம்!

கைபேசி, குறுஞ்செய்தி வந்திருப்பதாக அறிவித்தது.

எடுத்துப் பார்த்தேன்.

’மெட்ராஸ் பவன்’ சிவகுமாரிடமிருந்து குறுஞ்செய்தி.

“பிலாசபி பிரபாகரனுக்கு நாமெல்லாம் பிறந்தநாள் வாழ்த்துத் தெரிவிப்போம்”--இதுதான் செய்தி.

உடனே பிரபாகரனைத் தொடர்பு கொண்டேன்.

தூக்கக் கலக்கத்துடன் தொலைபேசியை எடுத்தார்.

வாழ்த்துச் சொன்னேன்.

திகைத்தார்.  

பின் இன்று பிறந்தநாள் எனக் கேள்விப்பட்டேன் என்று சொன்னதும் ஒப்புக் கொண்டார்.

பின் 9 மணி அளவில் சிவகுமார் கைபேசியில் அழைத்தார்

“சார்,பிரபாகரனுக்குப் பிறந்த நாள் வாழ்த்துச் சொன்னீர்களா?”

“ஆம்”

“இன்று தேதி ஏப்ரல் 1. பதினைந்து பேருக்குக் குறுஞ்செய்தி அனுப்பினேன்.வாழ்த்துச் சொன்ன முதல் ஆள் நீங்கள்தான்!”

எவ்வளவு எளிதாக ஏமாந்து விட்டேன்?!

நீதி: நல்ல உள்ளம் கொண்டவர்கள் எப்போதும் எளிதாக ஏமாற்றப் படுகிறார்கள்/ ஏமாறுகிறார்கள். 

பெருகட்டும் அப்படிப்பட்டவர் எண்ணிக்கை!