உணவும் உணவு சார்ந்த இடமும்-விசேட உணவுகள்

சாருக்கு என்ன வேணும்?

இட்லி வடகறி குடுப்பா

சார் இன்னிக்கு ஸ்பெசல் சட்னி இருக்கு சாப்பிட்டுப் பாருங்க.

அதென்னப்பா ஸ்பெசல் சட்னி?

சத்திஸ்கரிலிருந்து புதுசா ஒரு சமையல்காரர் வந்திருக்காரு;அவரோட விசேட தயாரிப்பு

சரி கொண்டு வா

ஒரு தட்டு இட்லி சட்னியுடன் வருகிறது.ஒரு விள்ளல் எடுத்துச் சட்னியில் தோய்த்து நாக்கில் வைக்கும்போதே வித்தியாசமான ஒரு சுவை சப்புக் கொட்ட வைக்கிறது.

இன்னொரு தட்டு இட்லி சட்னி கொண்டாப்பா.

சாப்பிட்டாகி விட்டது.

என்ன சட்னிப்பா இது.

பச்ச மொளகா.இஞ்சி,பூண்டு,தக்காளி எல்லோத்தோடயும்,ஒரு ஸ்பெசல் பொருள் வச்சு அறைக்கணும்.

அது என்ன?

இநதச் சிவப்பு எறும்பு இருக்கில்ல.அதனோட புத்தைத் தோண்டி அதனோட கூடு ,முட்டை எல்லாத்தையும் எடுத்து மசாலாவோட சேத்து வச்சு அறைக்கணும் அதுதான் ரகசியம்!

வாடிக்கையாளர் கைகழுவுமிடம் நோக்கி ஓடுகிறார்!

இது உண்மை.

சத்திஸ்கரைச் சேர்ந்த ஒரு பழங்குடியினர் விசேட நாட்களில் இந்தச் சட்னியைச் செய்கின்றனர்.

இது ஒரு உதாரணம்

இன்னும் எத்தனையோ?

பெல்ஜியத்தில் கேரட்,தக்காளியுடன் புழுவும் சேர்த்து அரைத்த ரொட்டிக்கான பூச்சு.

வெட்டுக்கிளி டேகொ(இது என்ன வோ.தெரியவேண்டும் எனில் விக்கிபீடியா பாருங்க)

பட்டுப் புழு சூப்.

இப்பூச்சிகளில் பலவ்ற்றில் புரதச் சத்து அதிகமாக உள்ளதாம்

உணவுத் தட்டுப்பாடு அதிகமானால் பூச்சிகள்தான் துணை

இன்று உணவை அழிக்கும் பூச்சிகளே நாளை உணவாகும்!

துப்பாயதூ உம் பூச்சி!

(நன்றி:டைம்ஸ் ஆஃப் இந்தியா)