சிறு பதிவர் சந்திப்பு!

ஒரு கடையில் அட்டை மாட்டப்பட்டிருந்தது.அதில் எழுதியிருந்தது-

“இங்கு சுத்தமான பசுவின் பால் விற்கப்படும்”

அதைப் பார்த்த ஒருவருக்குச் சந்தேகம்-

பசு சுத்தமானதா அல்லது பால் சுத்தமானதாஎன்று!

அது போல சிறு பதிவர் சந்திப்பு என்றால்,பதிவர்கள் சிறியவர்களா அல்லது சந்திப்புச் சிறியதா என்று சந்தேகம் !

ஐந்து பேர் கலந்து கொண்டதால் இது சிறு சந்திப்பு

பதிவர்கள் கலந்து கொண்டதால் இது பதிவர் சந்திப்பு.
எனவே சிறு பதிவர் சந்திப்பு!


ஏற்கனவே திட்டமிட்டபடி காலை 11 மணி அளவில் புலவர் இராமானுசம் அய்யா ,மின்னல் வரிகள் கணேஷ்,தூரிகையின் தூறல் மதுமதி ஆகியோர் என் குடிலுக்கு வருகை தந்தனர். முக்கியமான நிகழ்வாக 19-8-2012 அன்று நடக்க இருக்கும் பதிவர் சந்திப்பில் என்ன செய்யவேண்டும் எனக் கலந்தா லோசித்து  நிகழ்ச்சி நிரல் தயாரிக்கப்பட்டது.இவ்வளவு கலகலப்பாக உரையாடல் இருக்குமென நான் எதிர்பார்க் கவில்லை.வயது வித்தியாசங்கள் மறைந்து,நாம் பதிவர் என்ற ஒரே எண்ணமே மேலோங்கி மிகவும் நகைச்சுவை உணர்வுடன் கருத்துப் பரிமாற்றம் மேற்கொள்ளப்பட்டது.


சந்திப்பு முடியும் தருணத்தில் பதிவர்,கவிஞர் ரிஷ்வன் அவர்கள் வந்து சேர்ந்து மேலும் கலகலப்பு ஊட்டினார்.தனது “உண்மை உழைப்பு உயர்வு தரும்”என்ற கவிதை நூலை அனைவருக்கும் அன்பளிப்பாக வழங்கினார்.


கணேஷ் அவர்கள் நான் படிப்பதற்காக இரு நூல்கள் நல்கிச் சென்றார்.


மதியம் ஒரு மணி அளவில் ”சிறு பதிவர் சந்திப்பு” இனிதே நிறைவு பெற்றது.


படங்கள் கீழே----

                              கணேஷ்,மதுமதி,புலவர் ஐயா

                  கணேஷுக்கும் மதுமதிக்கும் நடுவில் ரிஷ்வன்

                      புலவர் ஐயாவும்,சென்னை பித்தனும்