உறக்கம் வராத இரவுகளில்!

உறக்கம் வரவில்லை நேற்றிரவு!

மல்லாந்து,குப்புற,

இரு புறமும் மாறி மாறி,

ஒருக்களித்துப் புரண்டு,

தலையணை இன்றி,

தலையணை அணைத்து,

தலையணை இரண்டாக,

கால் நீட்டி,கால் மடக்கி,

மரவட்டையாய்ச் சுருண்டு,

எப்படிப் படுத்தும்

உறக்கம் வரவில்லையே சகி!

யோசித்தேன் ஏனென்று ..

விளங்கியது அதற்கான காரணம்.

உன் கனவில் நான் விழித்திருந்து

உன்னோடு மகிழ்ந்திருக்கையில்

எப்படி வரும் உறக்கம் எனக்கு?!!