வா மன்மத,வா!

அழகாய் ஆடி அசைந்து வருகிறது ரதம்

பட பட வெனப் பறக்கிறது மீன் கொடி

அழகான வாலிபன் அவன் ரதத்தினில்

கையிலோர் வில்லுமுண்டு,கரும்பாலே

வரிசையாய் வண்டுகளே நாணாக

அம்புறாத்துணியினில் ஐந்து பாணங்கள்

அத்தனையும் மலர்க்கணைகள்

தாமரை,அசோகம்,மா,முல்லை,நீலோத்பலமென

வந்து விட்டான் அவன்,இது அவன் ஆண்டு

இளைஞர்களே,இளைஞிகளே,தயாராயிருங்கள்

பாணங்கள் உங்கள் நெஞ்சைத்துளைக்கும்

ஏனெனில் இது அவன் ஆண்டு

காதலில் நீர் விழுவது திண்ணம்

விழத்தான் முடியும்,வீழ்த்துபவன் அவன்

எழ முடியுமா மீண்டும்,இறைவனுக்கே முடியவில்லை!

மன்மத வருக!மகிழ்ச்சியைத் தருக!!

அனைவருக்கும் இனிய மன்மத ஆண்டு வாழ்த்துகள்.

காமன் கணையின் தாக்கம் பற்றிய ஒரு சித்தர் பாடல் உங்களுக்காக---

“மாமன் மகளோ மச்சினியோ நானறியேன்,
காமன் கணையெனக்கு, கனலாக வேகுதடி,
மாமன் மகளாகி மச்சினியும், நீயானால்
காமன் கணை மூன்றும், கண் விழிக்க வேகாவோ.”