பிரம்மாண்டப் பிரபஞ்ச மௌனத்தின் பேரொலி
அண்ட பேரண்ட ஆதாரப் பெருஞ்சூட்டின் நடுக்கும் குளிர்
விரிந்து நிற்கும் மயானப் பிண வாடையின் சுகந்தம்
எல்லையற்ற ஆகாசக் கும்மிருட்டின் கூசும் ஒளி
நடக்கட்டும் நாடகம்
அடிக்கட்டும் தாரை தப்பட்டை
வெடிக்கட்டும் தரை பிளந்து
துடிக்கட்டும் பிறவா உயிர்
தீம் தரிகிட!தீம் தரிகிட!தீம் தரிகிட!
அமைதி!அமைதி!அமைதி!
ஒற்றைக் குருசைக் கையில் ஏந்திவா!
நெற்றி நிறையத் திருநீரு பூசி வா!
திருக் கபால மேட்டிலே திருமண் இட்டு வா!
தொப்பி அணிந்து திசை நோக்கித் தொழுது வா!
மனித நேயம் தொலை!
மதம் பிடித்து அலை!
துணிந்து செய் கொலை!
இதுவே இன்றுன் நிலை!
தீம் தரிகிட!தீம் தரிகிட!தீம் தரிகிட!
அமைதி!அமைதி!அமைதி!
நாடகமே உலகம்
நாமெல்லாம் நடிகர்கள்
எழுதியவன் யார்?
இயக்குபவன் யார்?
யாருக்கும் விடை தெரியாக் கேள்விகள்
நாடகமே கொஞ்ச நேரம்
வேடம் கலைத்த பின் போகுமிடம் ஒன்றன்றோ
பிரிவினையின் உஷ்ணத்தில்
குளிர் காய எண்ணும் குறுமதியாளர்கள்
இல்லாமல் போகட்டும்.
தொடங்கட்டும் ஊழிக் கூத்து!
தீம் தரிகிட!தீம் தரிகிட!தீம் தரிகிட!
அமைதி!அமைதி!அமைதி!
(எத்தனையோ நினைக்கிறது நெஞ்சம், சொல்ல முடிந்ததோ மிகக் கொஞ்சம் )
பாதி புரிந்தது;பாதி புரியவில்லை. நீங்கள் சொல்ல வந்த செய்தி புரிகிறது.படிக்க நன்றாக இருந்தது.
பதிலளிநீக்குசெய்தி புரிந்ததல்லவா?நீங்கள் அறிந்தவர் தான்;’அறியாதவன்’ அல்ல!
பதிலளிநீக்குவருகைக்கும் கருத்துக்கும் நன்றி.
அருமையான கவிதை.
பதிலளிநீக்கு'புயலுக்குப்பின் அமைதி' என்பதுதானே இயற்கை. இருட்டுக்குபின் ஓளி வரும்.
அது வரை காத்திருப்போம்.
@வே.நடனசபாபதி
பதிலளிநீக்குபாராட்டுக்கு நன்றி.உங்கள் கூற்று உண்மையே.குளிர்காலத்தின் வருகையே பின் வரும் வசந்த காலத்தின் முன்னறிவிப்புதானே!
மீண்டும் நன்றி.
எழுத்துக்களை நடனமாடவைக்க இயலும் என உணர்ந்தேன் . ருத்திர தாண்டவம் கண்ட ஒரு
பதிலளிநீக்குஅனுபவம். தொடரட்டும் தாண்டவம் வாசு
நன்றி வாசு அவர்களே,
பதிலளிநீக்குஉங்கள் வாழ்த்துகளுடன் மேலும் சிறப்பாக எழுத முயல்வேன்.
அருமையான கவிதை.
பதிலளிநீக்குபிரியமுடன் பிரபு said...
பதிலளிநீக்கு//அருமையான கவிதை.//
மிக்க நன்றி.
அருமை.. இதை எப்படி நான் தவற விட்டேன் ?
பதிலளிநீக்குசிந்திக்கத் துடிக்கும் இதை வாசிக்கும் ஒவ்வொரு உள்ளமும் அருமை . பகிர்வுக்கு நன்றி
பதிலளிநீக்குLK, இது நானே ரசித்து எழுதிய கவிதை.(கவிதையா எனக் கேட்காதீர்கள்!)எனவேதான் இண்ட்லியிலும்,தமிழ் 10 லும் இணைப்புக் கொடுத்தேன்.
பதிலளிநீக்குவருகைக்கும் கருத்துக்கும் நன்றி.
//சிந்திக்கத் துடிக்கும் இதை வாசிக்கும் ஒவ்வொரு உள்ளமும் //
பதிலளிநீக்குஅதுவே இக்கவிதையின் வெற்றி!
வருகைக்கும்,கருத்துக்கும் நன்றி,!♫ ♪ ..♥ .பனித்துளி சங்கர்,அவர்களே.
நாடகமே உலகம்
பதிலளிநீக்குநாமெல்லாம் நடிகர்கள்
எழுதியவன் யார்?
இயக்குபவன் யார்?//
நிஜ வரிகள். எல்லாம் அவன் செயல்.
வருகைக்கும் கருத்துக்கும் நன்றி இனியவன் அவர்களே.
பதிலளிநீக்குஎழுத்தாடும் ஊழிக்கூத்து படிக்கவே மனம் கிடுகிடுக்கிறது.
பதிலளிநீக்கு\\பிரிவினையின் உஷ்ணத்தில்
குளிர் காய எண்ணும் குறுமதியாளர்கள்
இல்லாமல் போகட்டும்.\\
அதர்மம் அழிக்கப் பிறப்பெடுத்த எழுத்துக்களின் ஆவேசம் பிரமாதம்.
அன்பின் பித்தன் - ஊழிக்கூத்து அருமை - கவிதை நன்று - நல்வாழ்த்துகள் - நட்புடன் சீனா
பதிலளிநீக்குஅன்பு சீனா,
பதிலளிநீக்குநன்றி.