தொடரும் தோழர்கள்

செவ்வாய், ஆகஸ்ட் 26, 2014

நட்பின் உச்சம்



அவன் காத்திருந்தான்.
நண்பனின் சமாதியருகில்……
அவனது இழப்புக்காக வருந்தி…
அவன் மீண்டு(ம்) வருவானோ என்ற ஒரு ஆசையில்……
வேறெந்த நினைவுமின்றிப் படுத்திருந்தான்.

ஐந்தாண்டுகளுக்கு முன்……
அங்கும் இங்குமாய் அலைந்து திரிந்து…
உண்ணச் சரியான உணவு கிட்டாமல்..
மழை வெயிலிலிருந்து காத்துக்கொள்ள ஒரு இடம் கிடைக்காமல்…
அனைவராலும் விரட்டப்பட்டு அலைந்திருந்த வேளையில்…
அவன் இவனை ஆதரித்தான்…
இருக்க இடம் தந்தான்…
உண்ண உணவு தந்தான்…
நண்பனாய் ஏற்று அரவணைத்தான்…

பத்து நாட்களுக்கு முன்..
ஒரு லாரி மோதியதில் அவன்,இறந்து விட்டான் என இங்கு மண்ணுக்குள் புதைக்கப் பட்டிருக்கிறான்.

அன்று முதல்,..
இவன் அவ்விடம் விட்டு அகலவில்லை .
உணவு,தண்ணீர் எல்லாம் துறந்து அங்கேயே கிடக்கிறான்.
பத்து நாட்களில் மெலிந்து விட்டான்….
இவனுக்கு இன்னும் எத்தனை நாட்களோ.....

யாரோ சமூக சேவகர்கள் வந்து பார்த்தனர்.
அவனை அழைத்துச் செல்ல முயன்றனர்.
அவன் நகர மறுத்து விட்டான்.
அருகில் இருந்த மக்களிடம் கேட்டனர்.

அவர்கள் சொன்னார்கள்,அங்கு புதைக்கப்பட்டிருப்பவன்  ராணி என்னும் பெண்ணின் ஒரே மகனான18 வயது குமார் எனவும் இவன் அவனது நண்பனான ராமு எனவும்.

தொலைவில் இருந்த குமாரின் வீட்டுக்குச் சென்றனர்.

ராணியைக்கண்டனர்.

அவள் அழுதவாறு சொன்னாள்,மகன் இறந்து 10 நாட்கள் ஆகி விட்டன;அன்று முதல் ராமுவையும் காணோம் என.

அவளை அழைத்துக் கொண்டு சமாதிக்கு வந்தனர்.

அவளைக் கண்ட ராமு,உணவின்றிச் சோர்ந்திருந்த உடலே ஒரு பாரமாய் ஓடி வந்து அவள் காலடியில் படுத்துக் கொண்டான்.

அவள் அவனை அள்ளி எடுத்தாள்.

தன்னுடன் அழைத்துச் சென்றாள்.

அப்போது அவன் காதோடு சொன்னாள்”இனி உன் பெயர் ராமு இல்லை;குமார்

·  செய்தி:18 வயது பாஸ்கர் என்பனின் இறப்புக்குப் பின்  அவன் வளர்த்த டாமிஎன்னும் நாய் பதினைந்து நாட்களாக சமாதிஅருகிலேயே நகர மறுத்து படுத்துக் கிடந்து பின் பாஸ்கரின் தாய் வந்ததும் அவளுடன் சென்றது,,,,”இந்தியாவின் நேரங்கள்-26-08-2014”

6 கருத்துகள்:

  1. இது கதையா நிஜமா ????!!! கண்களைக் குளாமக்கிச் செல்கிறது ஒவ்வொரு வரியும்
    பகிர்வுக்கு மிக்க நன்றி வாழ்த்துக்கள் ஐயா .

    பதிலளிநீக்கு
  2. கேட்ட அல்லது படித்த தகவல்களை ஒரு சிலரால்தான் மனதை உருக்கும் செய்தியாக/கதையாக வடிக்கமுடியும். அந்த வகையைச் சேர்ந்தவர் நீங்கள் என்பதை திரும்பவும் உங்கள் எழுத்தால் நிரூபித்துள்ளீர்கள். ஆங்கில நாளேட்டில் படித்தபோது ஏற்படாத உணர்வு உங்கள் பதிவைப் படித்ததும் எழுந்தது. பகிர்ந்தமைக்கு நன்றி!

    பதிலளிநீக்கு
  3. வழக்கம் போல தங்கள் பாணியில் எழுதப்பட்ட கதை முடிபு ! அருமை! நலமா!

    பதிலளிநீக்கு
  4. அருமை!இப்படியும் சிந்திக்க உங்களால் மட்டுமே,முடியும்!

    பதிலளிநீக்கு